नेपालमा गुगल म्याप्सको ‘स्ट्रिट भ्यू’ शुरु

साउन ३०, २०८२ शुक्रबार १८:२२:६ | उज्यालो सहकर्मी

काठमाण्डौ – गुगल म्याप्सले नेपालमा ‘स्ट्रिट भ्यू’ फिचर शुरु गरेको छ । ललितपुरमा शुरु भएको डिजिटल नेपाल कन्क्लेभ, २०२५ को अवसरमा गुगल म्याप्सले ‘स्ट्रिट भ्यू’ फिचर शुरु भएको घोषणा गरेको हो । गुगलले संसारको कुनै पनि कुनाबाट कसैले पनि गुगल म्याप्सको स्ट्रिट भ्युमार्फत नेपालको भौगोलिक दृश्य र समृद्ध संस्कृति भर्चुअल रूपमा अवलोकन गर्न सक्ने सुविधा ल्याएको हो ।

गुगल म्याप्सले विज्ञप्ती निकालेर अब गुगल म्याप्सको ‘स्ट्रिट भ्यू’ चित्रमार्फत नेपालका अद्भुत भू–दृश्य र समृद्ध सांस्कृतिक दृश्य भर्चुअल रूपमा अवलोकन गर्न सक्ने दाबी गरेको छ । यसले नेपालको वास्तुकलाको इतिहास, प्राचीन मन्दिर र दरबार तथा चहलपहलयुक्त बजार र जीवन्त परम्परालाई नजिकबाट हेर्ने अवसर दिनेछ । यो शुरुआतले विश्वलाई नेपालको अनुभव गर्ने नयाँ र रोमाञ्चक माध्यम उपलब्ध गराएको छ ।

गुगल ‘स्ट्रिट भ्यू’मार्फत काठमाण्डौका गल्ली, मन्दिर र बजारसम्म भर्चुअल यात्रा गर्न सकिने सुविधा उपलब्ध छ । ललितपुरमा चलिरहेको डिजिटल नेपाल कन्क्लेभ २०२५’ नीति सुधार र निजी क्षेत्रको सहभागिता प्रवद्र्धन गर्ने उद्देश्यसहित आयोजना गरेको आयोजक आइसिटी फाउन्डेसन नेपालले जनाएको छ ।

कन्क्लेभमा डिजिटल पद्दतिमा आधारित शासन, सार्वजनिक पूर्वाधार, स्वास्थ्य सेवा, अर्थतन्त्र, सूचना प्रविधि उद्योग संवाद, शक्ति संवादलगायत विषयमा आधारित सत्रहरू छन् । कार्यक्रममा सरकार, निजी क्षेत्र, नीति निर्माता, विद्यार्थी, समाजसेवी, उद्यमी र प्राविधिक, विज्ञहरू गरी पाँच सय जना भन्दाबढीको सहभागीता छ । १५ भन्दाबढी डिजिटल नयाँ परियोजना प्रदर्शनीमा राखिएका छन् ।

अन्तिम अपडेट: मंसिर २३, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपालमा गुगल म्याप्सको ‘स्ट्रिट भ्यू’ शुरु

तस्बिर : एजेन्सी

तपाईको प्रतिक्रिया