सरकारको प्रमुख प्राथमिकता चुनाव सम्पन्न गराउनु हो : प्रधानमन्त्री कार्की

असोज ३१, २०८२ शुक्रबार १७:५८:२४ | उज्यालो सहकर्मी

काठमाण्डाै – प्रधानमन्त्री सुशीला कार्कीले वर्तमान सरकारको प्रमुख प्राथमिकता तोकिएको समयमा चुनाव सम्पन्न गराउनु रहेको बताउनुभएको छ ।

नेपालमा रहेका विभिन्न देशका राजदूत तथा कूटनीतिक नियोग प्रमुखसँग सिंहदरबारमा आज भएको सामूहिक भेटका क्रममा उहाँले आफू नेतृत्वको अन्तरिम सरकारको प्राथमिकताबारे ब्रिफिङ गर्नुभयो ।

परराष्ट्रमन्त्रीको समेत कार्यभार सम्हालिरहनु भएकी प्रधानमन्त्री कार्कीले नेपालको विदेश सम्बन्ध र त्यसका नीतिका बारेमा पनि आफ्नो धारणा राख्नुभएको परराष्ट्र मन्त्रालयका प्रवक्ता लोकबहादुर पौडेल क्षेत्रीले जानकारी दिनुभयो ।

त्यस अवसरमा प्रधानमन्त्री कार्कीले चुनावमा आवश्यक सहयोगको अपेक्षा गरेको पनि बताउनुभएको छ । उहाँले आउँदो फागुन २१ गतेको चुनावमा अन्तर्राष्ट्रिय पर्यवेक्षक परिचालन र विदेशमा रहेका सबै नेपाली नागरिकलाई मतदानमा भाग लिन लगाउने विषयमा पनि आफूले छलफल गरिरहेको कुरा राजदूतहरूसँग गर्नुभएको परराष्ट्र मन्त्रालयले जनाएको छ ।

प्रधानमन्त्री कार्कीसँगको भेटमा नेपालमा रहेकाे विभिन्न देशका राजदूत र कूटनीतिक नियोगका प्रतिनिधिको सहभागिता रहेको थियो ।

अन्तिम अपडेट: मंसिर २३, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्