भयरहित वातारणमा निष्पक्ष चुनाव हुने विश्वास दिलाउन सरकार र सुरक्षा निकायका प्रमुखलाई राष्ट्रपतिको आग्रह

चुनावमा नजाने ओलीको घोषणाप्रति असन्तुष्टि

कात्तिक १, २०८२ शनिबार १५:०:१४ | उज्यालो सहकर्मी

काठमाण्डाै – राष्ट्रपति रामचन्द्र पौडेलले भयरहित वातारणमा स्वतन्त्र, स्वच्छ र निष्पक्ष चुनाव हुन्छ भन्ने विश्वास राजनीतिक दल र आमनागरिकलाई गराउन सरकार र सुरक्षा निकायका प्रमुखहरूलाई आग्रह गर्नुभएको छ ।

राष्ट्रपति भवन शीतल निवासमा आज अन्तरिम सरकारकी प्रधानमन्त्री सुशीला कार्कीसहित मन्त्रीहरूसमेतको सहभागितामा भएको छलफलमा चार वटै सुरक्षा निकायका प्रमुखहरूलाई पौडेलले यस्तो आग्रह गर्नुभएको हो । उहाँले शान्ति सुरक्षा कायम गर्न र भयरहित वातावरणमा चुनाव गराउन सुरक्षा निकायहरूलाई आग्रह गर्नुभएको राष्ट्रपतिका प्रेस सल्लाहकार किरण पोखरेलले जानकारी दिनुभयो ।

छलफलमा प्रधानमन्त्री कार्कीले स्वतन्त्र, निष्पक्ष र भयरहित वातावरणमा चुनाव गराउन सरकारले कुनै कसुर बाँकी नराख्ने बताउनुभयो । सुरक्षा निकायका प्रमुखहरूले शान्ति सुरक्षा कायम गर्ने र भयरहित वातावरणमा चुनाव सम्पन्न गराउन आफूहरू सक्षम रहेको राष्ट्रपति पौडेललाई बताएका छन् ।

यसैबीच नेकपा एमालेका अध्यक्ष केपी शर्मा ओलीको चुनावमा नजाने घोषणाप्रति राष्ट्रपति रामचन्द्र पौडेलले असन्तुष्ट व्यक्त गर्नुभएको छ । आज बौद्धिक समुदायका अगुवाहरूसँग भएको छलफलका क्रममा राष्ट्रपति पौडेलले एमाले अध्यक्ष ओलीले हिजो गरेको घोषणाप्रति असन्तुष्टि व्यक्त गर्नुभएको हो ।

अन्तिम अपडेट: मंसिर २७, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भयरहित वातारणमा निष्पक्ष चुनाव हुने विश्वास दिलाउन सरकार र सुरक्षा निकायका प्रमुखलाई राष्ट्रपतिको आग्रह

चुनावमा नजाने ओलीको घोषणाप्रति असन्तुष्टि

फाइल तस्वीर

तपाईको प्रतिक्रिया