जुवातास खेलेका वडाअध्यक्ष र इन्जिनियरसहित १३ जना पक्राउ

कात्तिक ३, २०८२ सोमबार १२:३५:२ | हेमराज शर्मा

दाङ – घोराही उपमहानगरपालिका–१८ का वडाअध्यक्ष र इन्जिनियरसहित १३ जनालाई प्रहरीले पक्राउ गरेको छ । काठेकोलको एक होटेलमा जुवातास खेलिरहेको सूचनाका आधारमा गएराति वडाअध्यक्ष भरतमणि अर्याल र घोराही उपमहानगरपालिकामै कार्यरत इन्जिनियर प्रवीण रावतसहित १३ जना जुवाडे पक्राउ परेको जिल्ला प्रहरी कार्यालय दाङले जनाएको छ ।

त्यसैगरी घोराही १८ का कृष्णबहादुर घर्ती, पूर्व इन्सपेक्टर नारायणप्रसाद अधिकारी, मितेरी अस्पतालका सञ्चालक माधव भण्डारी, म्यानपावर सञ्चालक विक्रम के.सी., लङ्कबहादुर बुढा, सागर बुढा र राप्ती गाउँपालिका–२ का तेजप्रसाद आचार्य पनि पक्राउ परेका प्रहरीले जनाएको छ । जुवाको खालबाट तीन लाख ४५ हजार नौ सय १५ रुपैयाँ र तीन बुक तास बरामद भएको छ ।

त्यस्तै प्रहरीले गएराति मिरज श्रेष्ठको घरमा जुवा खेलिरहेका घोराही–१८ का अनुप कशौधन, घोराही–१५ का ज्ञानेन्द्र रिजाल, एकराज खत्री र घोराही–१४ का सोहेलमान मनसुरीलाई पनि पक्राउ गरेको छ । उनीहरूको साथबाट ६० हजार छ सय ४० रुपैयाँ बरामद गरेको प्रहरीले जनाएको छ ।

अन्तिम अपडेट: मंसिर २६, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जुवातास खेलेका वडाअध्यक्ष र इन्जिनियरसहित १३ जना पक्राउ

फाइल फाेटाे

तपाईको प्रतिक्रिया