मन्त्री र सचिवहरुलाई प्रधानमन्त्री कार्कीको निर्देशन : जेन–जी विद्रोहको मर्म र भावना अनुसार मन्त्रालयको ब्लुप्रिन्ट तयार पार्नु

कात्तिक १७, २०८२ सोमबार १६:२२:३९ | उज्यालो सहकर्मी

काठमाण्डौ – प्रधानमन्त्री सुशीला कार्कीले मन्त्री तथा सचिवहरूलाई १४ बुँदे निर्देशन दिनुभएको छ । उहाँले आज प्रधानमन्त्री तथा मन्त्रिपरिषद् कार्यालय सिंहदरबारमा बैठक राखेर जेन–जी विद्रोहको मर्म र भावनाअनुसार काम गर्न र नागरिकले प्रत्यक्ष अनुभूति हुनेगरी सबै मन्त्रालयहरुले ब्लुप्रिन्ट तयार पार्न निर्देशन दिनुभएको हो ।

प्रधानमन्त्री कार्कीले सरुवा, बढुवा प्रणालीलाई पारदर्शी बनाउनेदेखि सार्वजनिक खर्चमा मितव्ययिता कायम गर्न र सार्वजनिक कोषको प्रभावकारी एवम् नतिजामूलक उपयोग गर्न अर्थ मन्त्रालयले जारी गरेको परिपत्रलाई कडाइका साथ पालना गर्न पनि निर्देशन दिनुभएको छ ।

निजी क्षेत्रको मनोबल वृद्धि गरी औद्योगिक वातावरणमा सुधार गर्न आवश्यक संवाद, सहजीकरण र सहकार्य गर्न पनि प्रधानमन्त्री कार्कीको निर्देशनमा उल्लेख छ । उहाँले आन्दोलनका क्रममा क्षतिग्रस्त संरचनाको नोक्सानीको प्रतिवेदन तत्काल तयार पारी पुननिर्माणको नीति र कार्ययोजना बनाउन पनि निर्देशन दिनुभएको छ ।

यस्तै प्रधानमन्त्री काकीले चुनावको वातावरण बनाउन आफूले पहल गरिरहेको भन्दै चुनावको पूर्व तयारीका लागि आ–आफ्ना जिम्मेवारीका कार्यहरूलाई चुस्त दुरुस्त रूपमा सम्पादन गर्न मन्त्रि र सचिवहरुलाई निर्देशन दिनुभएको छ । प्रदेशमा जनशक्ति व्यवस्थापनलाई प्रभावकारी बनाउनुका साथै तीन वटै तहका सरकारबीचको समन्वयलाई थप प्रभावकारी बनाउन पनि प्रधानमन्त्री कार्कीले निर्देशन दिनुभएको छ ।

अन्तिम अपडेट: कात्तिक २६, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्