शक्तिशाली आणविक संयन्त्र निर्माण गर्ने इरानको घोषणा, हतियार उत्पादन नगर्ने दाबी

कात्तिक १७, २०८२ सोमबार १८:२९:१७ | एजेन्सी

इरानले रुसको सहयोगमा आठ वटा नयाँ आणविक ऊर्जा संयन्त्र निर्माण गर्ने घोषणा गरेको छ । इरानको आणविक ऊर्जा सङ्गठन (एइओआई) का प्रमुख मोहम्मद एस्लामीका अनुसार यो परियोजना इरानको स्वच्छ र दिगो ऊर्जा उत्पादन क्षमतालाई विस्तार गर्न महत्त्वपूर्ण हुनेछ ।

इरान र रुसबीच बुसेहरमा चारवटा तथा उत्तरी र दक्षिणी तटरेखामा चार वटा आणविक ऊर्जा संयन्त्र निर्माणका लागि नयाँ सम्झौता सम्पन्न भएको तस्निम समाचार संस्थाले जनाएको छ । यी संयन्त्रहरूबाट झन्डै २० हजार मेगावाट आणविक विद्युत् उत्पादन गर्ने लक्ष्य रहेको इरानले बताएको छ ।

रुसी सञ्चार संस्था ‘तास’ले इरानको उत्तरी गोलेस्तान प्रान्तमा एउटा नयाँ आणविक संयन्त्रको निर्माण शुरु भइसकेको जानकारी दिएको छ । इरानका राष्ट्रपति मसुद पेजेस्कियानले आफ्नो देश ‘शान्तिपूर्ण आणविक कार्यक्रम’ प्रति प्रतिबद्धता रहेको भन्दै कुनै पनि परिस्थितिमा आणवक हतियार निर्माण नगर्ने बताउनुभएको छ ।

पश्चिमी शक्तिहरूले स्वतन्त्र राष्ट्रहरूलाई उन्नत प्रविधिबाट वञ्चित गरी निर्भर बनाउने प्रयास गरेको उहाँको आरोप छ । सन् २०२५ को जुन महिनामा इजरायलले इरानका आणविक प्रतिष्ठान लक्षित हवाई आक्रमणहरू गरेपछि अमेरिकाले पनि साथ दिएको थियो ।

यसैबीच अमेरिकी राष्ट्रपति डोनाल्ड ट्रम्पले यदि इरानले आफ्ना आणविक सुविधाहरू पुनः सञ्चालन गरेमा अमेरिका नयाँ सैन्य कारबाहीका लागि तयार हुने चेतावनी दिनुभएको छ ।

अन्तिम अपडेट: कात्तिक २६, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

शक्तिशाली आणविक संयन्त्र निर्माण गर्ने इरानको घोषणा, हतियार उत्पादन नगर्ने दाबी

तस्बिर : एजेन्सी

तपाईको प्रतिक्रिया