आईपीएल विजेता आरसीबीलाई २ अर्ब डलरसम्ममा बेच्ने तयारी

कात्तिक २०, २०८२ बिहीबार १५:५८:३३ | एजेन्सी

इन्डियन प्रिमियर लिग (आईपीएल) क्रिकेटको नयाँ विजेता रोयल च्यालेन्जर्स बेङ्गलुरु (आरसीबी) का मालिकहरूले टोली बिक्री गर्ने तयारी शुरू गरेका छन् ।

ब्लुमबर्ग न्युजका अनुसार टोलीका मालिकहरू अहिले ‘क्लबको केही हिस्सा वा सम्पूर्ण स्वामित्व बिक्री गर्ने सम्भावनाबारे विचार गर्दै’ दुई अर्ब अमेरिकी डलरसम्मको मूल्याङ्कन लक्ष्य राखिरहेका छन् ।

आरसीबीको सम्भावित बिक्रीबारे हुने यो समीक्षा र निर्णयले भारतीय खेल इतिहासमै सबैभन्दा ठूलो व्यावसायिक सम्झौता बन्ने सम्भावना देखिएको छ ।

विश्वप्रसिद्ध पेय पदार्थ कम्पनी डियाजियोको भारतीय शाखा युनाइटेड स्पिरिट्स लिमिटेड (यूएसएल) ले मुम्बई स्टक एक्सचेन्जमा दर्ता गराएको विवरणमा आरसीबीमा गरेको लगानीको ‘रणनीतिक समीक्षा’ शुरू भएको औपचारिक रूपमा जनाएको छ । आउँदो वर्षको मार्चसम्ममा यसको निष्कर्ष आउने अपेक्षा गरिएको छ ।

सन् २००८ मा स्थापना भएको यो चर्चित टी–२० क्रिकेट लिगमा आरसीबीले पहिलो पटक यसै वर्ष जुन महिनामा आईपीएल उपाधि जित्दै ऐतिहासिक उपलब्धि हासिल गरेको थियो । तर विजयको उत्सवपछि बेङ्गलोरको एम चिन्नास्वामी स्टेडियम बाहिर आयोजित विजय परेडमा भागदौड हुँदा ११ जनाको ज्यान गएको थियो भने ५० भन्दा धेरै घाइते भएका थिए ।

अन्तिम अपडेट: मंसिर २८, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आईपीएल विजेता आरसीबीलाई २ अर्ब डलरसम्ममा बेच्ने तयारी

तस्वीर : एजेन्सी

तपाईको प्रतिक्रिया