चीनले अमेरिकामाथि लगाएकाे दुर्लभ खनिज निर्यातकाे प्रतिबन्ध फुकुवा गर्‍याे

कात्तिक २३, २०८२ आइतबार १८:४२:१८ | एजेन्सी

चीनले दुर्लभ खनिज अमेरिका निर्यात गर्न लगाएको प्रतिबन्ध फुकुवा गरेको छ । आजदेखि नै लागू हुनेगरी चीनले दुर्लभ खनिज अमेरिका निर्यातमा लगाएको प्रतिबन्ध हटाएको अन्तर्राष्ट्रिय समाचार संस्था एएनआईले जनाएको छ ।

चीनको वाणिज्य मन्त्रालयले विज्ञप्ति निकलेर त्यस्ता प्रतिबन्ध आजैदेखि फुकुवा गरिएको र सन् २०२६ को नोभेम्बरसम्म लागू हुने जानकारी दिएको छ । आजदेखि फुकुवा भएका ग्यालियम, जर्मेनियम, एन्टिमोनी निर्यातमा चीनले सन् २०२४ सालदेखि प्रतिबन्ध लगाएको थियो ।

गएको अक्टोबर ९ मा लागू गरेको दुर्लभ पृथ्वी खनिज तथा लिथियम ब्याट्री सामग्रीमा लगाइएको अतिरिक्त नियन्त्रणहरू भने चीनले अस्ति शुक्रवार नै स्थगित गरेको थियो ।

अमेरिकी सैन्य प्रयोगकर्ताहरू वा सैन्य प्रयोजनका लागि दोहोरो प्रयोग हुने वस्तुहरूको निर्यातमा पूर्ण प्रतिबन्ध लगाउने पहिलो खण्ड भने यथावत् रहनेछ ।

चीनको यो निर्णय अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी चिनपिङबीच भएको व्यापार युद्धविराम सम्झौतापछि आएको हो । सम्झौतामा चीनले एक वर्षका लागि अमेरिकातर्फ दुर्लभ खनिजहरूको निर्यात खुकुलो बनाउने र अमेरिकाबाट कृषि उत्पादन तथा आधुनिक चिप्स आयात गर्न दिने भनिएको थियो ।

अमेरिकाले पनि चीनमाथि लगाउँदै आएको भन्सार दर १० प्रतिशतले घटाउने घोषणा गरिसकेको छ । यस्तै अमेरिकाले चीनको समुद्री तथा जहाज निर्माण क्षेत्रमा सञ्चालन भइरहेका अनुसन्धानहरू अस्थायी रूपमा निलम्बन गर्ने निर्णय पनि गरेको छ ।

अन्तिम अपडेट: मंसिर २५, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्