महिला क्रिकेट टोलीले भारतका ३ वटा घरेलु टोलीसँग मैत्रीपूर्ण टी-२० खेल्दै

 कात्तिक २४, २०८२ सोमबार १४:७:५६ | उज्यालो सहकर्मी
unn.prixa.net

फाइल फाेटाे

काठमाण्डाै – नेपाली महिला क्रिकेट टोलीले भारतमा तीन वटा घरेलु टोलीसँग मैत्रीपूर्ण टी–२० खेल्ने भएको छ । नेपाल क्रिकेट सङ्घ (क्यान)ले विज्ञप्ति जारी गर्दै महिला टोलीले आउँदो कात्तिक २७ गते बिहिवारदेखि मंसिर ३ गतेसम्म उत्तराखण्ड, बङ्गाल र राजस्थानसँग खेल्ने जनाएको छ ।

सबै खेलहरू देहरादुनको चिदरवालामा रहेको आयुष क्रिकेट एकेडेमीमा हुनेछ । तीन वटा टोलीसँग नेपालले समान दुई वटा खेल खेल्ने क्यानले जनाएको छ । नेपाली महिला टोलीले कात्तिक २७ गते राजस्थानसँग खेल्दै शुरुआत गर्नेछ । यस्तै कात्तिक २८ गते उत्तराखण्ड र २९ गते बङ्गालसँग खेल्नेछ । त्यसपछि पुनः मंसिर १ गते राजस्थान, २ गते उत्तराखण्ड र ३ गते बङ्गालसँग खेल्ने तालिका रहेको छ ।

यसैबीच क्यानले भारत भ्रमणका लागि इन्दु बर्माको कप्तानीमा १५ सदस्यीय टोली घोषणा गरेको छ । नेपाली टोलीमा अश्मिना कर्माचार्यले लामो समयपछि पुनरागमन गरेकी छन् भने सीमाना केसी पहिलो पटक टोलीमा परेकी छन् ।

अलिशा यादव, मनीषा उपाध्याय, सना प्रवीण, ईश्वरी विष्ट, ममता चौधरी, बिन्दु रावलले पनि पुनरागमन गरेका छन् । नेपालले आउँदो जनवरीमा घरेलु मैदानमै आईसीसी महिला टी–२० विश्वकपको ग्लोबल छनोट खेल्दै छ । त्यसको तयारीका लागि महिला क्रिकेट टोलीले यो भम्रण गर्न लागेको क्यानले जनाएको छ । 

अन्तिम अपडेट: मंसिर २६, २०८२

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

क्रिकेटमा महिलाको समर्थन उल्लेख्य, तर पुरुषको व्यवहार भने उस्तै

२

मन्त्रीपरिषद् विस्तार : नवनियुक्त चार जना मन्त्रीबाट शपथ ग्रहण

३

आउँदो फेब्रुअरी १२ मा बंगलादेशमा जनमत संग्रह हुने

४

चीनले नयाँ इन्टरनेट उपग्रह समूह सफलतापूर्वक अन्तरिक्षमा पठायो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई