सुदूरपश्चिममाथि शानदार जीत निकाल्दै विराटनगर क्वालिफायरमा, ७१ बलमै १५० रन बनायाे

मंसिर २०, २०८२ शनिबार १४:२५:१२ | उज्यालो सहकर्मी

काठमाण्डाै – सुदूरपश्चिम राेयल्सलाई हराउँदै विराटनगर किङ्ग्स नेपाल प्रिमियर लिग (एनपीएल) क्रिकेटकाे क्वालिफायरमा प्रवेश गरेकाे छ ।

सुदूरपश्चिमले दिएकाे १ सय ४८ रनकाे लक्ष्य ५ विकेट गुमाएर ११ ओभर ५ बलमा भेटाउँदै विराटनगरले नेट रनरेटमा काठमान्डु गाेर्खाजलाई पछि पारेर शीर्ष–२ मा रहँदै क्वालिफायरमा प्रवेश गरेकाे हाे । विराटनगरका साम हिजलेटले ५१, फाफ डु प्लेसिसले ५०, मार्टिन गप्टिलले २२ रन बनाए । सुदूरपश्चिमका अविनाश बाेहराले २ विकेट लिए ।

प्रतियाेगितामा सुदूरपश्चिमकाे याे पहिलाे हार हाे । अब एनपीएलकाे पहिलाे क्वालिफायरमा शीर्ष स्थानमा रहेकाे सुदूरपश्चिम र दाेस्राे स्थानमा रहेकाे विराटनगरबीच फेरि प्रतिस्पर्धा हुनेछ । यस्तै इलिमिनेटरमा तेस्राे स्थानकाे काठमान्डु र चाैथाे स्थानकाे लुम्बिनी लायन्सबीच प्रतिस्पर्धा हुनेछ ।

पहिलाे क्वालिफायरमा विजयी हुने टाेली सीधै फाइनलमा पुग्नेछ भने हार्ने टाेलीले दाेस्राे क्वालिफायरमा इलिमिनेटरकाे विजेतासँग खेल्नेछ । इलिमिनेटरमा विजयी हुने टाेली दाेस्राे क्वालिफायरमा पुग्नेछ भने हार्ने टाेलीकाे यात्रा समाप्त हुनेछ ।

यस्तै एनपीएलमा आजकाे दाेस्राे खेलमा दिउँसाे ४ बजे चितवन राइनाेज र पाेखरा एभेन्जर्स खेल्दैछन् । एनपीएल लिग चरणकाे अन्तिम खेलमा भाेलि दिउँसाे साढे ३ बजे जनकपुर बाेल्ट्स र कर्णाली याक्स खेल्नेछन् ।

गएकाे मङ्सिर १ देखि शुरू भएकाे दाेस्राे संस्करणकाे एनपीएलकाे फाइनल खेल यही २७ गते हुनेछ । प्रतियाेगितमा ८ वटा टाेली सहभागी छन् ।

अन्तिम अपडेट: पुस २९, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्