सुडानी वायुसेनाले शहर, बजार र विद्यालयमा गरेको आक्रमणमा १ हजार ७ सय जना मारिए : प्रतिवेदन

मंसिर २३, २०८२ मंगलबार १५:१४:३० | एजेन्सी

सुडानको वायुसेनाले आवासीय छिमेक, बजार, विद्यालय र विस्थापित व्यक्तिहरूको शिविरमा गरेको आक्रमणमा कम्तीमा १ हजार ७ सय जना सर्वसाधारणको ज्यान गएको एक प्रतिवेदनले देखाएको छ ।

देशको गृहयुद्धमा भएको हवाई आक्रमणको अनुसन्धान ‘सुडान विटनेस प्रोजेक्ट’ ले वायुसेनाले जनसङ्ख्या धेरै भएका क्षेत्रहरूमा निर्देशित बमहरू प्रयोग गरेको सङ्केत गर्ने उल्लेख गरेको बीबीसीले जनाएको छ ।

यो तथ्याङ्क युद्धविमानहरूद्वारा गरिने आक्रमणहरूमा केन्द्रित छ जुन सुडानी सशस्त्र बल (एसएएफ) ले मात्र सञ्चालन गर्न सक्षम छ । सुडानी सशस्त्र बलको प्रतिद्वन्द्वी अर्धसैनिक बल ‘¥यापिड सपोर्ट फोर्स’ (आरएसएफ) सँग विमान छैन । अर्धसैनिक बलले ड्रोन आक्रमण गर्छ तर अनुसन्धान हवाई आक्रमणमा मात्र केन्द्रित रहेको खबरमा उल्लेख छ ।

बीबीसीले प्राप्त गरेको प्रतिवेदनको अग्रिम प्रतिलिपि अनुसार सुडान विटनेसले सन् २०२३ अप्रिल र २०२५ जुलाईबीच गरिएका ३ सय ८४ हवाई आक्रमणको विश्लेषण गरेको छ । यसले अभिलेख गरेका घटनाहरूमा १ हजार ७ सय जनाभन्दा धेरै मारिएका र १ हजार १ सय २० जना घाइते भएका रिपोर्ट गरेको छ ।

सुडान विटनेसले आफ्नो अनुसन्धान अपूर्ण रहेको स्वीकार गर्दछ किनभने परिणामहरूले आक्रमणको कुल सङ्ख्या भन्दा तथ्याङ्कमा पहुँच प्रतिबिम्बित गर्दछ । कमजोर दूरसञ्चार र विश्वसनीय स्रोतहरू पहिचान गर्न कठिनाइका कारण द्वन्द्व क्षेत्रहरूबाट जानकारी प्राप्त गर्न गाह्रो रहेको प्रतिवेदनमा उल्लेख छ ।

सुडान विटनेस प्रोजेक्टले सन् २०२५ जुलाई पछि पनि हवाई आक्रमणको निगरानी जारी राखेको छ तर पछिल्ला महिनाहरूमा दुवै पक्षले ड्रोन आक्रमणतर्फ ध्यान केन्द्रित गरेको बताएको छ ।

अन्तिम अपडेट: पुस २७, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुडानी वायुसेनाले शहर, बजार र विद्यालयमा गरेको आक्रमणमा १ हजार ७ सय जना मारिए : प्रतिवेदन

फाइल तस्वीर

तपाईको प्रतिक्रिया