६ काराेबार दिनपछि शेयर बजार सामान्य बढ्याे

मंसिर २३, २०८२ मंगलबार १५:५६:१६ | उज्यालो सहकर्मी

काठमाण्डाै – लगातार छैटौं कारोबार दिन घटेको शेयर बजार आज सामान्य बढेको छ । शेयर बजार परिसूचक नेप्से आज ७ दशमलव ३९ अङ्कले बढेर २ हजार ६ सय १४ दशमलव ०७ विन्दुमा पुगेको छ ।

आज बैंक, माइक्रोफाइनान्स, निर्जीवन बीमा र व्यापार बाहेक सबै समूहको शेयर बढेकोमा जीवन बीमा समूहको शेयर १ सय ८ अङ्कले उकालो लागेको छ । आज १ सय ४८ वटा कम्पनीको शेयर बढेकोमा १ सय १ वटाको घटेको छ । यस्तै ९ वटा कम्पनीको शेयर घटबढ भएको छैन ।

आज स्वस्तिक लघुवित्त, श्रीनगर एग्रिटेक इन्डस्ट्रिज, माथिल्लो मैलुन खोला जलविद्युत् कम्पनीको शेयर १० प्रतिशतले बढेको छ । समग्रमा बजार बढेको दिन हिमस्टार ऊर्जा कम्पनीको शेयर भने सबैभन्दा धेरै ३ दशमलव ८८ प्रतिशतले घटेको छ ।

आज नेप्से बढे पनि कारोबार रकम भने घटेको छ । हिजो ४ अर्ब ६६ करोडको कारोबार भएकोमा आज ३ सय ३१ वटा कम्पनीको ८७ लाख ४२ हजार कित्ता शेयर ३ अर्ब ७५ करोड रुपैयाँमा किनबेच भएको छ ।

अन्तिम अपडेट: पुस २८, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्