भारतको पश्चिम बङ्गालमा भाजपालाई दुई तिहाइ बहुमत

वैशाख २२, २०८३ मंगलबार १०:४५:५७ | एजेन्सी

काठमाण्डौ - भारतको पश्चिम बङ्गालमा विधान सभाको मतगणनामा भारतीय जनता पार्टी (भाजपा) ले ऐतिहासिक जीतसहित विपक्षीको गढ तोडेको छ ।

पछिल्लो मत परिणामले बङ्गाल राज्यमा सत्ता समीकरणमा परिवर्तन आउने भएको छ । त्यहाँ प्रधानमन्त्री नरेन्द्र मोदीको सत्तारूढ दल भाजपाले पहिलो पटक सरकार गठन गर्ने अवसर बनाएको छ । २९४ सदस्यीय पश्चिम बङ्गाल विधान सभामा भाजपाले २०६ सिट जितेको छ । यो दुई तिहाइभन्दा धेरै हो ।

तृणमूल कांग्रेस ८० सिटमा खुम्चिँदा कम्युनिस्ट पार्टीले २ सिट मात्र जितेको छ । २९४ सिटमध्ये बहुमतका लागि १४८ सिट आवश्यक पर्छ । पश्चिम बङ्गालमा अहिलेसम्म शासन गर्न नसकेको भाजपाले मुख्यमन्त्री ममता बनर्जी नेतृत्वको अखिल भारतीय तृणमूल काङ्ग्रेस सरकारलाई विस्थापित गर्ने गरी मत परिणाम आएको भारतीय सञ्चारमाध्यमले जनाएका छन् ।

मुख्यमन्त्री बनर्जी नै आफ्नो भवानीपुर सिटबाट भाजपा नेता शुभेन्दु अधिकारीसँग १५ हजारभन्दा बढी मतले पराजित हुनुभएको छ । सन् २०११ देखि निरन्तर सत्तामा रहँदै आएकी बनर्जी मोदीको प्रमुख आलोचकका रूपमा चिनिनुहुन्छ र उहाँको राजनीतिक प्रभाव बङ्गाल राज्यमा बलियो मानिन्थ्यो । विपक्षी दलहरूले चुनावको निष्पक्षतामाथि प्रश्न समेत उठाएका छन् । मोदीले पश्चिम बङ्गालको नतिजालाई ऐतिहासिक उपलब्धि भन्नुभएको छ ।

दक्षिण भारतमा पनि राजनीतिक परिवर्तन देखिएको छ । तमिलनाडुमा चलचित्र क्षेत्रका लोकप्रिय कलाकार जोसेफ विजयको उदय भएको छ । उहाँले स्थापना गरेको तमिलगा वेट्ट्री कजगम पार्टीले सत्तारूढ डिएमकेलाई पछि पारेको छ । त्यस्तै, केरलामा भारतीय राष्ट्रिय काङ्ग्रेस नेतृत्वको विपक्षी गठबन्धनले सत्तारूढ कम्युनिस्ट सरकारलाई पराजित गर्दै वामपन्थी शासनको अन्त्य गरेको छ ।

५० वर्षपछि भारतका कुनै पनि राज्यमा वामपन्थी सरकार नरहने भएको छ । उत्तरपूर्वी राज्य आसाममा भाजपाले निरन्तर तेस्रो कार्यकालका लागि सत्ता कायम राख्न सफल भएको छ ।

अन्तिम अपडेट: बैशाख २७, २०८३

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्