चुनावमा धाँधली भएको भन्दै पश्चिम बङ्गालकी मुख्यमन्त्री ममता बनर्जीद्वारा राजीनामा दिन अस्वीकार

वैशाख २३, २०८३ बुधबार ६:३७:१० | एजेन्सी

काठमाण्डौ - विधानसभा चुनावमा धाँधली भएको भन्दै भारतको पश्चिम बङ्गालकी मुख्यमन्त्री ममता बेनर्जीले राजीनामा दिन अस्वीकार गर्नुभएको छ ।

विशेष गरी पश्चिम बङ्गालमा सन् २०११ देखि निरन्तर सत्तामा रहेको अखिल भारतीय तृणमूल कांग्रेसलाई पराजित गर्दै भारतीय जनता पार्टी (भाजपा)ले पहिलो पटक स्पष्ट बहुमतसहित सरकार गठन गर्ने अवस्थामा पुगेको छ ।

२९४ सदस्यीय विधानसभामा २०७ सिट जित्दै भाजपा दुई तिहाइभन्दा बढी बहुमतसहित अगाडि आएको छ । तृणमूल कांग्रेस ८० सिटमा सीमित भएको छ । स्वयं मुख्यमन्त्री ममता बनर्जी पनि आफ्नो चुनावी क्षेत्र भवानीपुरबाट शुभेन्दु अधिकारीसँग १५ हजारभन्दा बढी मतले पराजित हुनुभएको छ ।

परिणाम सार्वजनिक भएपछि बनर्जीले हार अस्वीकार गर्दै राजीनामा दिन नमानेको भारतीय सञ्चारमाध्यमले जनाएका छन् । उहाँले झण्डै १०० सिट ‘अनियमित रूपमा खोसिएको’ आरोप लगाउँदै निर्वाचन आयोगमाथि पक्षपात गरेको आरोप लगाउनुभएको छ । तर निर्वाचन अधिकारीहरूले यो आरोपलाई निराधार बताएका छन् ।

भारतीय संविधानअनुसार अब राज्यपालले मुख्यमन्त्रीसँग राजीनामा माग गर्न वा नयाँ सरकार गठन प्रक्रिया अघि बढाउन सक्नेछन् । यस ऐतिहासिक जितलाई प्रधानमन्त्री नरेन्द्र मोदीले पूर्वी भारतमा महत्त्वपूर्ण राजनीतिक उपलब्धिका रूपमा व्याख्या गर्नुभएको बीबीसी हिन्दीले जनाएको छ ।

अन्तिम अपडेट: बैशाख २८, २०८३

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्