नेपाली क्रिकेट टोली एशियाली खेलकुदमा छनोट

जेठ १९, २०८३ मंगलबार १६:११:९ | उज्यालो सहकर्मी

काठमाण्डाै – नेपाली पुरुष क्रिकेट टोली जापानको नागोयामा हुने एशियाली खेलकुदमा छनोट भएको छ । सिङ्गापुरमा आज भएको समूह ‘ए’ को खेलमा मलेशियाले चीनलाई हराएपछि मलेशियासँगै नेपाल पनि छनोट भएको हो ।

चीनले दिएको ८५ रनको लक्ष्य मलेशियाले ७ ओभर ५ बलमा १ विकेट गुमाएर भेटायो । मलेशियाका मोहम्मद हाजिक आइमानले नटआउट ४४ रन बनाए । चीनका तियान सेन क्युनले १ विकेट लिए ।

यसअघि टस हारेर ब्याटिङ गरेको चीनले २० ओभरमा ९ विकेट गुमाएर ८४ रन बनायो । चीनका जोङ्ग युएचाओले २९ रन बनाए । मलेशियाका विजय उन्नीले ४ विकेट लिए ।

यसअघि आइतवार भएको खेलमा नेपालले चीनलाई २२१ रनले हराएको थियो । अब पर्सि हुने नेपाल र मलेशियाबीचको खेलले समूह विजेता टुङ्गो लाग्नेछ । समूह ‘बी’ बाट सेमिफाइनलमा पुग्ने टोलीको टुङ्गो लाग्न बाँकी छ ।

कतारले नाम फिर्ता लिएपछि समूह ‘ए’ मा नेपाल, मलेशिया र चीन रहेका हुन् । समूह ‘बी’ मा बहराइन, हङकङ, ओमान र सिङ्गापुर छन् । समूहका शीर्ष दुई टोली एशियाली खेलकुदमा छनोट हुने प्रावधान छ ।

नेपाली महिला क्रिकेट टोली भने एशियाली खेलकुदमा छनोट हुन असफल भएको थियो ।

अन्तिम अपडेट: जेठ २८, २०८३

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपाली क्रिकेट टोली एशियाली खेलकुदमा छनोट

फाइल तस्वीर

तपाईको प्रतिक्रिया