ब्लु ओरिजिनको प्रक्षेपणस्थल विस्फोटपछि नासाको चन्द्र अभियान प्रभावित हुने चिन्ता

जेठ २०, २०८३ बुधबार ६:३६:३ | उज्यालो सहकर्मी

काठमाण्डौ -अमेरिकी अन्तरिक्ष संस्था नासाले ब्लु ओरिजिनको विस्फोटबाट क्षतिग्रस्त प्रक्षेपणस्थल फेरि सञ्चालनमा आउन सन् २०२८ सम्म लाग्न सक्ने जनाएको छ ।

यसले कम्पनीका आगामी अन्तरिक्ष अभियानसँगै नासाको चन्द्रमा अन्वेषण कार्यक्रमको समय तालिकामा समेत असर पर्न सक्ने चिन्ता बढेको छ । न्यु ग्लेन ब्लु ओरिजिनको महत्त्वाकाङ्क्षी ठूलो क्षमताको रकेट परियोजना हो । यसलाई व्यावसायिक उपग्रह प्रक्षेपण, चन्द्रमा अभियान तथा गहिरो अन्तरिक्ष अनुसन्धानका लागि प्रयोग गर्ने लक्ष्य राखिएको छ । त्यसैले प्रक्षेपणस्थल लामो समय बन्द हुँदा कम्पनीका व्यावसायिक योजना र प्रतिस्पर्धात्मक क्षमतामा असर पर्ने अनुमान गरिएको छ ।

गएको बिहीबार अमेरिकाको फ्लोरिडामा रहेको केप क्यानाभेरल अन्तरिक्ष केन्द्रमा ब्लु ओरिजिनको ‘न्यु ग्लेन’ रकेटको इन्जिन परीक्षणका क्रममा शक्तिशाली विस्फोट भएको थियो । उडानअघि गरिने स्थिर इन्जिन परीक्षणका बेला भएको यो दुर्घटनाले प्रक्षेपण स्थलमा ठूलो क्षति पुगेको अन्तर्राष्ट्रिय सञ्चारमाध्यमले जनाएका छन् ।

यो केन्द्र हाल न्यु ग्लेन रकेट प्रक्षेपण गर्न प्रयोग हुने ब्लु ओरिजिनको एकमात्र सक्रिय प्रक्षेपणस्थल भएकाले दुर्घटनाले कम्पनीका आगामी योजनामा प्रत्यक्ष असर पार्ने देखिएको छ । नासाका प्रशासक जारेड आइज्याकम्यानले क्षतिग्रस्त संरचनाको मर्मत र पुनर्निर्माण जटिल हुने बताउँदै पूर्ण पुनः स्थापनाका लागि सन् २०२८ सम्म लाग्न सक्ने सङ्केत गर्नुभएको समाचारसंस्था एपीले जनाएको छ ।

पछिल्लो समय दुर्घटनाको कारण पत्ता लगाउने, प्राविधिक अध्ययन गर्ने र पुनर्निर्माण योजना बनाउने काम चलिरहेको छ । साथै क्षतिग्रस्त संरचनाको सरसफाइ र पुनर्निर्माणको तयारी पनि शुरु गरिएको छ ।

दुर्घटनाको प्रभाव नासाको चन्द्रमा केन्द्रित आर्टेमिस अभियानमा पनि पर्न सक्ने खबरमा उल्लेख छ । विज्ञहरू विस्फोटको वास्तविक कारण र क्षतिको पूर्ण मूल्याङ्कनमा केन्द्रित छन् ।

अन्तिम अपडेट: जेठ २९, २०८३

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्