काठमाण्डौका टोल टोलमा फिल्म महोत्सव

असार ५, २०८३ शुक्रबार ८:१६:३९ | उज्यालो सहकर्मी

काठमाण्डौ - काठमाण्डौ महानगरपालिको आजदेखि २६ गतेसम्म हरेक शुक्रबार र शनिबार टोल टोलमा फिल्म महोत्सव शुरु गर्दैछ ।

समुदायमा भएका रचनात्मक सीपलाई उद्यम र उद्योगको विकासका लागि सार्वजनिक स्थल, पार्क, डबली, चोकहरूमा सर्ट फिल्म प्रदर्शन, चलचित्र, कला तथा रचनात्मक उद्योगलगायत विषयमा संवाद, सांस्कृतिक तथा सिर्जनात्मक कार्यक्रम गर्न लागिएको महानगरपालिकाका कार्यवाहक मेयर सुनिता डङ्गोलले जानकारी दिनुभयो । महोत्सव असार महिनामा आठ ठाउँमा आयोजना हुनेछ ।

महोत्सव आज खुलामञ्चबाट शुरु हुनेछ । यो कार्यक्रमको व्यवस्थापन इकोज इन द भ्यालीले गर्नेछ । भोलि असनमा हुने कार्यक्रमको व्यवस्थापन नीलः सांस्कृतिक क्लबले गर्नेछ । असार महिनाभरि हरेक शुक्रबार र शनिबार महोत्सव आयोजना हुनेछ । यसअन्तर्गत येँःका पुचले बालाजु बाइपास क्षेत्रमा, निर्णय नेपालले बागबजार सडक खण्डमा, नेपाल भाषा स्यनेकने फाउन्डेसन, यट्खा बहाल भाष्करकीर्ति महाविहारमा, न्हुग पःला सांस्कृतिक मिसा पुचःले लगन टोलमा, लुजः नेवाः सांस्कृतिक पुचःले सुनधारामा, मैतीदेवी युनाइटेड क्लबले मैतीदेवी मन्दिर खुलाचौरमा कार्यक्रम व्यवस्थापन गर्नेछन् ।

महोत्सवमा सर्ट फिल्म प्रदर्शन, चलचित्र, कला तथा रचनात्मक उद्योगलगायत विषयमा संवाद, सांस्कृतिक तथा सिर्जनात्मक कार्यक्रम हुनेछन् । महानगरपालिकाले टोल टोलमा फिल्म महोत्सव आयोजना गर्न स्थानीय व्यवस्थापनका लागि आठ वटा संस्थालाई छनोट गरेको छ ।

अन्तिम अपडेट: साउन ६, २०८३

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्