हुथी विद्रोहीको आक्रमणमा १४ यमनी सैनिक मारिए

असार २१, २०८३ आइतबार १८:२७:४४ | एजेन्सी

यमनको इरान समर्थित हुथी विद्रोहीले रेड सीको तटीय क्षेत्रमा रहेको होडैडा बन्दरगाह नजिकै गरेको आक्रमणमा १४ जना सैनिक मारिएका छन् ।

विरोधी पक्षमा कति मारिए भन्ने सङ्ख्या नखुलाइकन लडाइँमा हुथी समूहतर्फ पनि हताहत भएको सरकारी अधिकारीले बताएका समाचार संस्था एएफपीले जनाएको छ ।

हुथी विद्रोही सन् २०१५ देखि सरकारसँग युद्धमा छन् । यो द्वन्द्वमा लाखौँ मानिसको ज्यान गएको छ र यमनमा ठूलो मानवीय सङ्कट निम्त्याएको छ ।

विद्रोहीहरूले यमनको राजधानी सानालगायत उत्तरको ठूलो भाग र पश्चिमी रेड सी तटमा रहेको होडैडा बन्दरगाह नियन्त्रणमा लिएका छन् भने अन्तर्राष्ट्रियरूपमा मान्यता प्राप्त सरकारले दक्षिणको ठूलो भागमा शासन गर्दै आएको छ ।

सन् २०२२ मा संयुक्त राष्ट्रसङ्घको मध्यस्थतामा भएको युद्धविरामयता दुई पक्षबीचको लडाइँ धेरै हदसम्म रोकिएको छ ।

तर गएको शुक्रवार हुथी विद्रोहीले साउदी अरबका विमानस्थल र महत्त्वपूर्ण सम्पत्तिहरूलाई लक्षित गरेर आक्रमण गर्ने चेतावनी दिएका थिए । साउदी अरब यमनको अन्तर्राष्ट्रिय मान्यता प्राप्त सरकारको प्रमुख समर्थक हो ।

सन् २०१५ पछि हुथी समूहले सानालगायत देशको ठूलो भाग नियन्त्रणमा लिईसत्ता कब्जा गर्न थालेपछि साउदी अरब नेतृत्वको सैन्य गठबन्धनले यमनमा हुथीविरुद्धको लडाइँमा सहयोग पु¥याएको थियो ।

अन्तिम अपडेट: साउन ४, २०८३

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हुथी विद्रोहीको आक्रमणमा १४ यमनी सैनिक मारिए

तस्वीर : एजेन्सी

तपाईको प्रतिक्रिया