आइतबार पनि केही ठाउँमा पानी पर्ने र हिमपातकाे सम्भावना

 मंसिर २९, २०७६ आइतबार ६:५८:३३ | उज्यालो सहकर्मी
unn.prixa.net

काठमाण्डौ – आइतबार पनि देशका विभिन्न ठाउँको मौसम बदली भइ मध्य, पूर्वी र सुदूरपश्चिमका केही ठाउँमा पानी पर्ने सम्भावना रहेको मौसमविद्ले बताएका छन् । 

पश्चिमी न्यून चापीय प्रणालीको प्रभावका कारण उच्च पहाडी तथा हिमाली भेगमा हल्का हिमपातकोसमेत सम्भावना रहेको मौसमविद् गंगा मञ्जु बासीले बताउनु भयो । 

उहाँले हिजो अस्तीको जस्तो लगातार पानी पर्ने वा भारी हिमपातको सम्भावना भने नभएको बताउनु भयो ।  

याे प्रणालीका कारण भारी हिमपात हुने र देशभरकै मौसम बदली भइ पानी पर्ने सम्भावना रहेकाले देशभरि नै चिसो बढ्ने भएकाले चिसोबाट बच्ने उपाय अपनाउन पनि माैसमविद्ले सुझाव दिएका छन् । 

विशेषगरी ताताे र झाेलिलाे पदार्थ खान तथा चिसाेबाट बच्न बाक्ला र न्यानाे लुगा लगाउन माैसमविद्ले सचेत गराएका छन् । 

अन्तिम अपडेट: पुस १६, २०७६

तपाईको प्रतिक्रिया