इन्डिगो आफ्नो २० वर्षको इतिहासमा सबैभन्दा ठूलो सङ्कटमा, एकैदिन १ हजारभन्दा धेरै उडान रद्द

मंसिर २०, २०८२ शनिबार १८:१६:३१ | एजेन्सी

भारतको सबैभन्दा ठूलो मध्येको एअरलाइन्स कम्पनी इन्डिगोका उडानहरू आज पाँचौं दिन पनि रद्द भएका छन् । इन्डिगोले आज ३ सय ८५ उडान रद्द गरेको र विमानस्थलमा सयौं यात्रु प्रभावित भएका समाचार संस्था रोयटर्सले जनाएको छ ।

पाइलटहरूको काम गर्ने समय सीमित गर्ने नयाँ नियमहरूका लागि पर्याप्त योजना बनाउन असफल भएपछि पाइलटहरूको अभावका कारण इन्डिगोले यस हप्ता हजारौं उडान रद्द गरेको छ । शुक्रवार इन्डिगोले १ हजारभन्दा धेरै उडान रद्द गरेको थियो ।

उडान रद्द हुनु २० वर्ष पुरानो इन्डिगोका लागि अहिलेसम्मकै सबैभन्दा ठूलो सङ्कट हो । इन्डिगोको विश्वको सबैभन्दा धेरै जनसङ्ख्या भएको देशमा ६० प्रतिशतभन्दा धेरै बजार हिस्सा छ ।

रात्रि उडान र पाइलटहरूका लागि साप्ताहिक आरामसम्बन्धी कडा नियमहरू लागू गर्न नोभेम्बर १ को समयसीमाका लागि उचित योजना बनाउन असफल भएको कम्पनीले स्वीकार गरेको छ । यद्दपि सरकारले इन्डिगोका लागि नियमहरूमा छुटको घोषणा गरेपछि उसले यही डिसेम्बर १० देखि १५ सम्म सामान्य सञ्चालनमा फर्कन सक्ने बताएको छ ।

यसैबीच इन्डिगोको उडान रद्दको क्रमसँगै लोकप्रिय रुटहरूमा अन्य एयरलाइन्सद्वारा सञ्चालित उडानहरूको भाडा बढेपछि सरकारले भाडा घटाएको छ । नागरिक उड्डयन मन्त्रालयले सबै एअरलाइन्सहरूलाई नयाँ भाडा सीमा कडाइका साथ पालना गर्न निर्देशन दिएको छ । नयाँ भाडा सीमा अवस्था सामान्य नभएसम्म लागू रहने खबरमा उल्लेख छ ।

यस्तै मन्त्रालयले इन्डिगोलाई यात्रुहरूलाई बाँकी रहेको रकम स्थानीय समय अनुसार भोलि राति ८ बजेसम्म फिर्ता गर्न निर्देशन दिएको छ । इन्डिगोले पनि रद्द भएका उडानका यात्रुहरूलाई चाँडै नै पैसा फिर्ता गरिने आश्वासन दिएको छ ।

नयाँ नियमले रात्रि अवतरणको सङ्ख्या ६ बाट २ मा सीमित गरेको छ र पाइलटले रातमा उडान गर्न सक्ने अधिकतम घण्टाको सङ्ख्या १० घण्टामा सीमित गरेको छ । अहिलेका लागि इन्डिगोलाई आउँदो फेब्रुअरी १० सम्म दुवै उपायहरूबाट छुट दिइएको छ । नयाँ नियमका कारण एअर इन्डिया र अकासा लगायत अन्य प्रमुख भारतीय एअरलाइन्सहरूले उडानहरू रद्द गर्नुपरेको छैन ।

यसैबीच सरकारले इन्डिगोलाई पाइलट सुरक्षा मापदण्डबाट छुट दिएकोमा पाइलट युनियनहरूले कडा विरोध गरेका छन् ।

अन्तिम अपडेट: पुस २९, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इन्डिगो आफ्नो २० वर्षको इतिहासमा सबैभन्दा ठूलो सङ्कटमा, एकैदिन १ हजारभन्दा धेरै उडान रद्द

तस्वीर : एएफपी

तपाईको प्रतिक्रिया