हेटौँडामा भत्काइएका जोखिमपूर्ण घरमा व्यापार : स्थानीय प्रशासनद्वारा रोक्न निर्देशन

पुष २६, २०८२ शनिबार १२:२३:४० | रासस

मकवानपुर – सडक विस्तारका लागि सडक डिभिजन कार्यालय हेटौँडा, मकवानपुरले भत्काएका घरहरूमा जोखिमपूर्ण रूपमा व्यापार भैरहेकोमा प्रशासनले रोक्न निर्देशन दिएको छ ।

गएको मङ्सिर २० गते सडक विस्तारका लागि पूर्वपश्चिम राजमार्गअन्तर्गत हेटौँडाको रातमाटेदेखि बुद्धचोक हुँदै राप्ती खोला पुलसम्मका मुख्य सडकको दायाँबायाँ सडक सीमा क्षेत्रभित्र पर्ने घरहरू सडक डिभिजन कार्यालयले भत्काएको थियो । तर सर्वाेच्च अदालतको आदेशका कारण अहिले सडक विस्तारको कार्य रोकिएको छ ।

भत्काएका संरचनाहरू व्यवस्थापन गर्ने क्रममा कतिपय व्यवसायीले जोखिमपूर्ण घरमै व्यापार गरिरहेका छन् । आफूहरू अन्योलमा रहेको स्थानीय व्यापारी रोशन श्रेष्ठले बताउनुभयो । तत्कालका लागि ‘स्टक’ मा रहेको सामान मात्र बिक्री गरिरहेको उहाँले बताउनुभयो । सडक विस्तारसम्बन्धी मुद्दा विचाराधीन अवस्थामा रहेकाले सडक विस्तारको काम अघि बढाउन नसकिएको सडक डिभिजन कार्यालय हेटौँडाका सूचना अधिकारी यादव सुवेदीले बताउनुभयो ।

भत्किएका घरमा व्यापार सञ्चालन नगर्न व्यापारीलाई आग्रह गरिएको उहाँको भनाइ छ । जिल्ला प्रशासन कार्यालय मकवानपुरले सडक विस्तारका लागि भत्काइएका जोखिमपूर्ण घरहरूमा व्यापार व्यवसाय गर्न रोक लगाएको छ । जिल्ला प्रशासनले सूचना निकालेर जोखिमपूर्ण अवस्थामा रहेका घरटहरामा व्यापार व्यवसाय सञ्चालन नगर्न भनेको हो ।

यदि कसैले बेवास्ता गरी व्यवसाय सञ्चालन गरेमा र त्यसबाट कुनै पनि किसिमको घटना वा दुर्घटना भए त्यसको पूर्ण जिम्मेवार घरधनी र सम्बन्धित व्यवसायी स्वयं हुने प्रशासनको सूचनामा उल्लेख छ ।

जिल्ला विपद् व्यवस्थापन समितिको बैठकको निर्णयअनुसार सहायक प्रमुख जिल्ला अधिकारी मोहनराज जोशीद्वारा जारी सूचनामा भत्किएका तथा जोखिमपूर्ण संरचनाभित्र कुनै पनि किसिमको व्यापार व्यवसाय सञ्चालन नगर्न र नगराउन अनुरोध गरिएको छ ।

अन्तिम अपडेट: माघ ६, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हेटौँडामा भत्काइएका जोखिमपूर्ण घरमा व्यापार : स्थानीय प्रशासनद्वारा रोक्न निर्देशन

फाइल तस्विर

तपाईको प्रतिक्रिया