काठमाण्डौ उपत्यकामा ट्राफिक सप्ताह तथा दुर्घटना न्युनिकरण विशेष अभियान शुरु

पुष २६, २०८२ शनिबार १५:१०:१३ | उज्यालो सहकर्मी

काठमाण्डौ – काठमाण्डौ उपत्यका ट्राफिक प्रहरी कार्यालयले ट्राफिक सप्ताह तथा दुर्घटना न्युनिकरण विशेष अभियान शुरु गरेको छ । कार्यालयले आज विशेष कार्यक्रम आयोजना गरेर सप्ताहव्यापी अभियान शुरु गरेको हो ।

माघ ३ गतेसम्म चल्ने अभियानमार्फत गाडी दुर्घटनाको कारण, प्रभाव तथा समाधानका उपायबारे व्यापक जनचेतना फैलाउने लक्ष्य लिइएको ट्राफिक प्रहरीले जनाएको छ । शुभारम्भ समारोहमा बोल्दै प्रहरी महानिरीक्षक दानबहादुर कार्कीले दुर्घटना कम गर्न चालक र आम नागरिक पनि सचेत हुनुपर्ने बताउनुभयो । दुर्घटनापछि हुने जोखिमलाई ख्याल गरेर पूर्व सावधानी अपनाउनु आवश्यक रहेको उहाँको भनाइ छ ।

गाडीको चाप, सडक पूर्वाधारको सीमितता, चालकको लापरवाही, ट्राफिक नियम उल्लङ्घन, जाँडरक्सी खाएर गाडी चलाउने प्रवृत्तिलगायत कारणले काठमाण्डौ उपत्यकामा दुर्घटनाको जोखिम बढ्दै गएकोले अभियान आवश्यक रहेको प्रहरीको भनाइ छ ।

ट्राफिक प्रहरीले यो अभियान नियम कार्यान्वयनमा सीमित नभई सचेतनामूलक, सामाजिक तथा व्यवहार परिवर्तनमुखी कार्यक्रमहरूमा केन्द्रित रहने बताएको छ ।

अन्तिम अपडेट: माघ ६, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काठमाण्डौ उपत्यकामा ट्राफिक सप्ताह तथा दुर्घटना न्युनिकरण विशेष अभियान शुरु

तस्बिर : रासस

तपाईको प्रतिक्रिया