जसपा र आजपाको चुनावी घोषणापत्र सार्वजनिक (पूर्णपाठसहित)

फागुन १, २०८२ शुक्रबार १७:२:२६ | उज्यालो सहकर्मी

काठमाण्डाै – उपेन्द्र यादव नेतृत्वको जनता समाजवादी पार्टी (जसपा) नेपाल र प्रभु साह नेतृत्वको आम जनता पार्टी (आजपा) ले आफ्नो चुनावी घोषणापत्र सार्वजनिक गरेका छन् ।

आउँदो फागुन २१ गते हुने प्रतिनिधिसभा सदस्य चुनावका लागि जसपा र आजपाले आफ्नो चुनावी घोषणापत्र सार्वजनिक गरेका हुन् । यसअघि नेपाली कम्युनिस्ट पार्टी (नेकपा) सहितका केही दलले पनि चुनावी प्रतिबद्धता सार्वजनिक गरिसकेका छन् । नेपाली कांग्रेस, नेकपा एमाले, राष्ट्रिय स्वतन्त्र पार्टी (रास्वपा) लगायतको घोषणापत्र सार्वजनिक हुन बाँकी नै छ ।

जसपा नेपालका अध्यक्ष उपेन्द्र यादवले आज काठमाण्डौमा भएको कार्यक्रममा पार्टीको चुनावी घोषणापत्र सार्वजनिक गर्दै निःशुल्क स्वास्थ्य सेवा, निःशुल्क शिक्षा, भ्रष्टाचारमुक्त राज्य, वैज्ञानिक कृषि आधुनिकीकरण, पूर्वाधार विकास र सामाजिक न्यायलाई प्राथमिकतामा राखिएको बताउनुभएको छ ।

जसपा नेपालले कृषिलाई राष्ट्रिय अर्थतन्त्रको मेरुदण्ड बनाउने योजना अघि सारेको छ । वैज्ञानिक चक्लाबन्दी, सहकारी खेती, यान्त्रिकीकरण, भर्टिकल फार्मिङमार्फत् आउँदो ५ वर्षमा ५० लाख रोजगारी सिर्जना गर्ने, न्यूनतम समर्थन मूल्य र बजार सुनिश्चितता, बाली बीमा र सस्तो कृषि ऋण उपलब्ध गराउनेलगायत प्रतिबद्धता समेटिएको छ ।

त्यस्तै आजपाले आफ्नो चुनावी घोषणामा निःशुल्क आधारभूत सेवासहित व्यापक सुधार, अर्थतन्त्र, शिक्षा, स्वास्थ्य, पूर्वाधार, कृषि, ऊर्जा र वैदेशिक नीतिसम्मका संरचनागत परिवर्तनका लागि काम गर्ने प्रतिबद्धता जनाएको छ ।

जसपाकाे घाेषणापत्र

आजपाकाे घाेषणापत्र

अन्तिम अपडेट: फागुन २२, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्