भरतपुरबाट काठमाण्डौ र पोखरा उडान गर्ने जहाजले फागुन ६ गतेदेखि भरतपुरमै इन्धन भर्न पाउने

फागुन १, २०८२ शुक्रबार १८:२५:४२ | रासस

चितवन – भरतपुर विमानस्थलबाट काठमाण्डाै र पोखरा उडान गर्ने जहाजले आउँदाे हप्तादेखि भरतपुरमै इन्धन भर्न पाउने भएका छन् । नेपाल आयल निगमले यही फागुन ६ गतेदेखि भरतपुरमै इन्धन भर्न मिल्ने गरी तयारी अघि बढाएको हो ।

निगमका प्रवक्ता उपनिर्देशक मनोजकुमार ठाकुरले नागरिक उड्डयन प्राधिकरणसँग सम्झौता गरी काम अघि बढाइएको बताउनुभयो । उहाँले भन्नुभयो, यही फागुन ६ गतेदेखि रिफिलिङ गर्ने गरी काम भइरहेको छ । डिपो स्टेशन स्थापनाका लागि दुई थान रिफ्युलर र एक थान मोबाइल डिस्पेन्सरको व्यवस्था गरिएको छ । दिगो रूपमा काम गर्न भने ६ महिनादेखि एक वर्ष लाग्ने छ ।

जमिनमुनि वा माथि ट्याङ्की राखेर काम गर्नका लागि समय लाग्ने भए पनि तत्काल इन्धन जहाजमा भर्ने व्यवस्था मिलाउन समय नलाग्ने उहाँले बताउनुभयो । निगमले यहाँ ३० किलोलिटर इन्धन भण्डारण र व्यवस्थापनका लागि ४ देखि ५ कराेड रुपैयाँ खर्च हुने जनाएको छ ।

नेपाल नागरिक उड्डयन प्राधिकरणका सूचना अधिकारी ज्ञानेन्द्र भूलले प्राधिकरणसँग जग्गा सम्झौता भएको र बाँकी सबै काम निगमले गर्ने बताउनुभयो ।

बुद्ध एअरले भरतपुरबाट काठमाण्डाै र पोखरा गरी दैनिक ७ वटा जहाज उडान भर्दै आएको छ । २ वटा ४७ सिटका र ५ वटा ७२ सिटका जहाजले यहाँबाट उडान भरिरहेका बुद्ध एअर भरतपुरका स्टेशन म्यानेजर भक्तबहादुर बस्नेतले जानकारी दिनुभयो । यहाँ तेल भर्ने व्यवस्था भए काठमाण्डाैबाट यहाँ आउने जहाजमा थप २ जना यात्रु ल्याउन सकिने उहाँको भनाइ छ ।

बुद्ध एअरको ७२ सिटको जहाजले काठमाण्डाैबाट आउँदा अहिले ७० जना बोक्ने गरेको छ भने गर्मीयाममा ६० जना बोक्नुपर्ने बाध्यता छ । बस्नेतका अनुसार यहाँबाट उड्दा भने अहिले ५५ जना र गर्मीयाममा ४० जना बोक्ने गरिएको छ ।

यस्तै ४७ सिटको जहाजले अहिले काठमाण्डाैबाट आउँदा ४५ जना र फर्कँदा ४३ जना लिएर जाने गरेको छ । गर्मीयाममा काठमाण्डाैबाट आउँदा ३५ जना र यहाँबाट जाँदा ३३ जना हाराहारी यात्रु बोकेर जाने गरेको छ ।

अन्तिम अपडेट: फागुन २५, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भरतपुरबाट काठमाण्डौ र पोखरा उडान गर्ने जहाजले फागुन ६ गतेदेखि भरतपुरमै इन्धन भर्न पाउने

फाइल तस्वीर

तपाईको प्रतिक्रिया