थलापति विजयद्वारा मुख्यमन्त्रीकाे शपथ, मञ्चमै ३ वटा आदेशमा हस्ताक्षर

वैशाख २७, २०८३ आइतबार १३:३५:३८ | एजेन्सी

भारतको तमिलनाडुमा तमिलगा भेट्री कडगम (टीभीके) का अध्यक्ष सी जोसेफ विजयले मुख्यमन्त्री पदको शपथ लिनुभएको छ । तमिलनाडुका राज्यपाल राजेन्द्र विश्वनाथ अर्लेकरले चेन्नईको नेहरू रङ्गशालामा आज आयोजित समारोहमा विजयलाई पद तथा गोपनीयताको शपथ गराउनुभएको हो ।

शपथ ग्रहण कार्यक्रममा कांग्रेस नेता राहुल गान्धी पनि सहभागी हुनुभयो । आजै टीभीकेका वरिष्ठ नेतासहित ९ जना मन्त्रीले पनि शपथ लिएका छन् ।

तमिल चलचित्र क्षेत्रका सुपरस्टार थलापति विजयका नामले चिनिने ५१ वर्षीय विजयले शपथ लिएसँगै तमिलनाडुमा झन्डै ६ दशकदेखि पालैपालो सत्ता चलाउँदै आएका द्रविड मुनेत्र कडगम (डीएमके) र अन्ना द्रविड मुनेत्र कडगम (एआईएडीएमके) को राजनीतिक वर्चस्व समाप्त भएको छ । ‘मास्टर’, ‘बीस्ट’ र ‘लियो’ जस्ता चलचित्रहरूबाट करोडौँ दर्शकको मन जितेका विजय अभिनयलाई छाडेर राजनीतिमा प्रवेश गर्नुभएको हो ।

मुख्यमन्त्री बनेलगत्तै जोसेफ विजयले मञ्चमै ३ वटा आदेशमा हस्ताक्षर गर्नुभएको छ । उहाँले प्रत्येक घरपरिवारलाई २०० युनिट निःशुल्क बिजुली उपलब्ध गराउने, लागूऔषध समस्यासँग जुध्न प्रत्येक जिल्लामा विशेष बल गठन गर्ने र महिला सुरक्षाका लागि विशेष कार्यदल गठन गर्ने आदेशमा हस्ताक्षर गर्नुभएको बीबीसी हिन्दीले जनाएको छ ।

२३४ सदस्यीय तमिलनाडु विधानसभामा टीभीकेले १०८ सिट जितेकाे थियाे । टीभीकेले १२० निर्वाचित सांसदको समर्थन पाएपछि राज्यपालले हिजो सरकार गठनका लागि आह्वान गर्नुभएको थियो । अब टीभीकेले कांग्रेससहितका सहयोगी दलहरूको समर्थनमा गठबन्धन सरकारको नेतृत्व गर्नेछ ।

अन्तिम अपडेट: जेठ २९, २०८३

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

थलापति विजयद्वारा मुख्यमन्त्रीकाे शपथ, मञ्चमै ३ वटा आदेशमा हस्ताक्षर

तस्वीर : एजेन्सी

तपाईको प्रतिक्रिया