स्मार्ट कार्ड छिटो प्रिन्ट गर्ने सेवा स्थगित

 असार २, २०७७ मंगलबार १५:४४:४३ | उज्यालो सहकर्मी
unn.prixa.net

काठमाण्डाै – यातायात व्यवस्था विभागले अत्यावश्यक सेवाको लागि २४ घण्टामै सवारी चालक अनुमति पत्र (लाइसेन्स) उपलब्ध गराउने व्यवस्था स्थगित गरेको छ ।

विभागले सूचना जारी गर्दै महामारीको रुपमा फैलिएको कोरोना भाइरसकाे कारण नेपालबाट विदेश जाने, नेपाली सेना, सशस्त्र प्रहरी, नेपाल प्रहरीलगायतलाई आवश्यक पर्दा छिटो स्मार्ट कार्ड प्रिन्ट गर्ने सेवा स्थगित भएको जनाएको हो  ।

यसअघि विदेश जाने, सुरक्षा निकायबाट मिसनमा जाने तथा अन्यको हकमा अत्यावश्यक भनी कार्यालयबाट लेखी आएको पत्रको आधारमा छिटो स्मार्ट कार्ड प्रिन्ट गरी पाउँ’ भनी निवेदन माग भइ आएमा निवेदक दाताको स्मार्ट कार्ड निवेदन दिएको भोलिपल्ट नै प्रिन्ट गरी वितरण गरिदिने व्यवस्था थियो ।

यो सेवा अब अर्को सुचना नआएसम्मकाे लागि स्थगित भएको भन्दै विभागले सम्बन्धित कार्यालयहरुलाई स्मार्ट कार्ड छिटो प्रिन्टकाे लागि सिफारिस नगर्न अनुरोध गरेको छ । 

अन्तिम अपडेट: असार २२, २०७७

तपाईको प्रतिक्रिया