मेशिन थपिएसँगै दाङमा  कोरोना परीक्षणको दायरा बढ्यो

 असार १६, २०७७ मंगलबार ८:४१:२८ | उज्यालो सहकर्मी
unn.prixa.net

दाङ – राप्ती स्वास्थ विज्ञान प्रतिष्ठान घोराही, दाङमा कोरोना परीक्षणका लागि अटोमेटिक (स्वचालित) मेशिन थपिएसँगै परीक्षणको दायरा बढेको छ ।

सोमबार एकै दिन १ हजार १ एक सय ६२ जनाको जाँच गरिएको प्रतिष्ठानले जनाएको छ । यो अहिलेसम्मकै धेरै हो ।

अहिलेसम्म नमूना संकलन गरिएकामध्ये अब १ सय २६ वटाको मात्रै बाँकी रहेको प्रतिष्ठानका शाखा अधिकृत रोशन आचार्यले जानकारी दिनुभयो ।

अहिलेसम्म प्रतिष्ठानमा दाङसहित विभिन्न जिल्लाका १४ हजार ४ सय ५७ जनाको स्वाब संकलन गरिएकोमा सोमबारसम्म १४ हजार ३ सय १३ जनाको जाँच गरिएको छ ।

राप्ती स्वास्थ्य विज्ञान प्रतिष्ठानको प्रयोगशालामा फेरिएको परीक्षणमा ७ सय ४६ जनामा कोरोना भाइरस पोजेटिभ देखिएको छ । दाङमा अहिलेसम्म सङ्क्रमितको सङ्ख्या ५ सय ६८ पुगेको छ ।

अन्तिम अपडेट: असार १६, २०७७

तपाईको प्रतिक्रिया