हिमालय एअरलाइन्सले सात दिनमा १६ उडानमार्फत नेपालीलाई स्वदेश फर्काउने

 असार ३०, २०७७ मंगलबार १९:५३:१३ | उज्यालो सहकर्मी
unn.prixa.net

काठमाण्डाै – हिमालय एअरलाइन्सले बुधबारदेखि तेस्रो चरणको उद्धार उडान सुरु गर्ने भएको छ ।

जसअनुसार आबुधाबीबाट बुधबार दुई वटा र साउन ३ गते एउटा उडानमार्फत समस्यामा परेका नेपाली स्वदेश फर्काइने हिमालय एअरलाइन्सले जनाएको छ । यसको भाडा ३६५ डलर तोकिएकाे छ । 

यस्तै जुलाई १६ र २० तारिखमा साउदीको रियादबाट उडान हुनेछन् । रियादको भाडा ४६५ डलर रहेको छ । यस्तै जुलाई १६ तारिखमै दमामबाट दुई र जुलाई २० मा दमामबाटै एउटा उडान हुनेछ । 

जुलाई १८ तारिखमा बहराइनबाट उद्धार उडान हुनेछ । बहराइनको भाडा ३९२ डलर तोकिएको छ । यस्तै कतारमा जुलाई १७, १८ र र २० तारिखमा उडान हुने र भाडादर ३९२ डलर तोकिएको छ ।

यस्तै मलेसियाको क्वालालम्पुरबाट जुलाई १९ तारिखमा २ र २१ तारिखमा दुई वटा उडान हुने र भाडा ३७२ डलर तोकिएको हिमालय एअरलान्सले जनाएको छ ।

 

अन्तिम अपडेट: साउन १०, २०७७

तपाईको प्रतिक्रिया