वेष्ट इन्डिजसँगको ट्वान्टी ट्वान्टी सिरिज न्युजिल्यान्डलाई

 मंसिर १४, २०७७ आइतबार १३:९:५२ | उज्यालो सहकर्मी
unn.prixa.net

काठमाण्डाै - घरेलु टिम न्युजिल्यान्डले वेस्ट इन्डिजसँगको तीन खेलको ट्वान्टी ट्वान्टी क्रिकेट सिरिज जितेको छ ।

माउन्ट माउनगानुइमा आज भएको दोस्रो खेल ७२ रनले जितेसँगै न्युजिल्यान्डले एक खेल अगाडि नै सिरिज आफ्नो पक्षमा पारेको हो ।

बे ओभलमा न्युजिल्यान्डले दिएको २ सय ३९ रनको लक्ष्यसहित जवाफी ब्याटिङ गरेको वेष्ट इन्डिजले २० ओभरमा ९ विकेट गुमाएर १ सय ६६ रन मात्र बनाउन सक्यो । वेस्ट इन्डिजका लागि कप्तान केइरन पोलार्डले सर्वाधिक २८ रन बनाए । यस्तै शिम्रन हिटमायरले २५ रन जोड्दा आन्द्रे फ्लेटचर र केली माएर्सले २०/२० रन बनाए ।

किमो पाउलले अविजित २६ रन जोडे भने फाबियन एलेनले १५ रन बनाए । न्युजिल्यान्डका केली जेमिसन र मिचेल स्टानरले २/२ विकेट लिए । यसअघि टस हारेर पहिले ब्याटिङ गरेको न्युजिल्यान्डले २० ओभरमा ३ विकेट गुमाएर २ सय ३८ रन बनाएको थियो ।

न्युजिल्यान्डको उच्च स्कोरमा ग्लेन फिलिप्सले शतकीय पारी खेले । उनले ५१ बलमा १ सय ८ रन बनाए । यस्तै डेभोन कोनवेले अविजित रहँदै ६५ रनको अर्धशतकीय पारी खेले । त्यस्तै मार्टिन गुप्टिलले ३४ रन जोडे भने टिम सेइफर्टले १८ रन जोडे । वेस्ट इन्डिजका केइरन पोलार्ड, फाबियन एलन र ओसुमाने थोमसले १/१ विकेट लिए । दुई टिमबीचको अन्तिम खेल भोलि हुनेछ ।

 

 

अन्तिम अपडेट: मंसिर १४, २०७७

तपाईको प्रतिक्रिया