कर्णाली प्रदेश सरकारबाट एमालेका मन्त्रीको राजीनामा

 चैत २४, २०७७ मंगलबार १४:७:४२ | मुना हमाल
unn.prixa.net

सुर्खेत - कर्णाली प्रदेशको सरकारका सहभागी एमालेका तीन जना मन्त्रीहरुले संयुक्त रुपमा राजीनामा दिएका छन् ।

राजीनामा दिनेमा आर्थिक मामिला मन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरण मन्त्री नन्दसिंह बुढा रहेका छन् ।

उनीहरुले मुख्यमन्त्री महेन्द्रबहादुर शाहीसमक्ष राजीनामा बुझाएका हुन् । एमालेले गएको चार गते नै कर्णाली प्रदेश सरकारलाई दिएको समर्थन फिर्ता लिएको थियो भने अस्ति आइतवार बसेको एमाले संसदीय दलको बैठकले राजीनामा दिने निर्णय गरेको थियो ।

४० सदस्यीय कर्णाली प्रदेशसभामा नेकपा एमालेका २०, माओवादी केन्द्रका १३ र   राप्रपाका १ जना सांसद रहेका छन् । जसमध्ये माओवादी केन्द्रका सांसद धर्मराज रेग्मीलाई माओवादी केन्द्रले कारबाही गरेका कारण कर्णाली प्रदेशसभामा सांसदहरुको संख्या ३९ रहेको छ ।

अन्तिम अपडेट: चैत २५, २०७७

मुना हमाल

मुना हमाल सुर्खेतका उज्यालो सहकर्मी हुनुहुन्छ । 

तपाईको प्रतिक्रिया