सभामुख सापकाेटाविरुद्धकाे मुद्दा हेर्न नभ्याइने सूचीमा

 बैशाख ८, २०७८ बुधबार १४:१७:८ | उज्यालो सहकर्मी
unn.prixa.net

फाइल फाेटाे

काठमाण्डाै – सभामुख अग्नि सापकोटाविरुद्धको मुद्दामा बुधवार (आज) पनि सुनुवाइ स्थगित भएको छ । सर्वोच्च अदालतमा विचाराधीन कर्तव्य ज्यान मुद्दाको सुनुवाइका लागि आज पेशी तोकिएकोमा अदालतले ‘हेर्न नभ्याइने’ सूचीमा राखेको छ ।

यसअघि प्रधानन्यायाधीश चोलेन्द्रशमशेर जबरा नेतृत्वको संवैधानिक इजलासमा मुद्दा सुनुवाइका लागि पेशी तोकिएको थियो । सापकोटाविरुद्धको मुद्दा यसअघि पनि पटक–पटक पेशीमा परे पनि हेर्न नभ्याइने सूचीमा परेको थियो ।

सशस्त्र द्वन्द्वको बेला काभ्रेका अर्जुन लामाको २०६२ वैशाख १६ गते तत्कालीन माओवादीले अपहरण गरी हत्या गरेको अवस्थामा दुई महिनापछि शव फेला परेको थियो ।

अर्जुनकी श्रीमती पूर्णिमायाले २०६९ मङ्सिर ७ गते कर्तव्य ज्यान मुद्दा अघि बढाउन माग गर्दै सर्वोच्चमा रिट निवेदन दायर गर्नुभएको थियो । अदालतको आदेशपछि काभ्रे प्रहरीले २०६५ साउन २७ गते सापकोटालगायत अरू ६ जना माओवादी नेता/कार्यकर्ताविरुद्ध कर्तव्य ज्यान मुद्दाको उजुरी दर्ता गरेको थियो ।  

अन्तिम अपडेट: बैशाख १२, २०७८

तपाईको प्रतिक्रिया