रुकुम पश्चिममा एटीएम मेशिन फाेर्दै गर्दा एक जना पक्राउ

 बैशाख २१, २०७८ मंगलबार १७:६:६ | राजु लामिछाने
unn.prixa.net

रुकुम पश्चिम – रुकुम पश्चिमको जिल्ला सदरमुकामको मुख्य बजारमा रहेको नेपाल बैंक लिमिटेड रुकुम शाखाको एटीएम मेशिन तोडफोड भएको छ । मेशिन तोडफोडमा संलग्न एक जनालाई प्रहरी पक्राउ गरेको छ । 

बैकको एटीएम मेसिन फोर्दै गरेको अवस्थामा मुसिकोट नगरपालिका १ का २० वर्षीय भीमबहादुर विकलाई पक्राउ गरिएको प्रहरीले जनाएको छ । जिल्ला प्रहरी कार्यालय रुकुम पश्चिमका प्रहरी निरीक्षक (इन्स्पेक्टर) डेकेन्द्र शर्माका अनुसार एटीएम मेशिनमा सप्पल प्रहार गरेर चोरी गर्न लाग्दा बैँकका प्रबन्धकले सीसी क्यामराबाट थाहा पाएपछि प्रहरीलाई खबर गर्नुभएको थियो । खबर गरेको केही समयमा नै प्रहरीले ती युवकलाई पक्राउ गरेको हो । 

प्रबन्धक केसीका अनुसार सप्पल प्रहारपछि एटीएम मेशिन बिग्रिएको छ । 

अन्तिम अपडेट: जेठ १२, २०७८

राजु लामिछाने

राजु लामिछाने रुकुमका उज्यालो सहकर्मी हुनुहुन्छ । 

तपाईको प्रतिक्रिया