१९ सांसदसहित एक सय ६० जना सङ्क्रमित

 बैशाख २५, २०७८ शनिबार १६:५०:९ | उज्यालो सहकर्मी
unn.prixa.net

काठमाण्डाै – प्रतिनिधि र राष्ट्रिय सभाका गरी १९ जना सांसदमा कोरोना भाइरसको संक्रमण पुष्टि भएको छ ।

गएको २२, २३ र २४ गते गरिएको पीसीआर परीक्षणमा प्रतिनिधि सभाका १८ र राष्ट्रिय सभाका एक जना सांसदको रिपोर्ट पोजेटिभ आएको संसद सचिवालयले जनाएको छ । यस्तै, सांसद बाहेक संसद सचिवालयका कर्मचारी, मर्यादापालक, स्वकीय सचिव, सुरक्षाकर्मी, संसदीय मामिला पत्रकार तथा अन्तर्राष्ट्रिय सम्मेलन केन्द्र आईसीसीका गरी एक सय ४१ जना कर्मचारीमा पनि संक्रमण देखिएको छ ।

२ सय ५ जना सांसद र अन्य एक हजार ३० जना गरी कुल १ हजार २ सय ३५ जनाको पीसीआर परीक्षण गर्दा सांसदसहित एक सय ६० जनामा काेराेना पोजेटिभ देखिएको हो । १ हजार २ सय ३५ जनामध्ये एक जनाको भने रिपोर्ट आउन बाँकी छ ।

अन्तिम अपडेट: असार २, २०७८

तपाईको प्रतिक्रिया