सोनमा गाउँपालिकाको बजेट ४३ करोड रुपैयाँभन्दा बढी

 असार २१, २०७९ मंगलबार २०:२३:१४ | उज्यालो सहकर्मी
unn.prixa.net

महोत्तरी – सोनमा गाउँपालिका कार्यालयले आर्थिक वर्ष २०७९/०८० को अनुमानित बजेट र नीति तथा कार्यक्रम प्रस्तुत गरेको छ । 

आज मङ्गलवार गाउँपालिकाकाे सभा हलमा आयोजित कार्यक्रममा आउँदाे वर्षका लागि ४३ करोड रुपैयाँभन्दा बढीकाे बजेजेट प्रस्तुत गरिएको हो । गाउँपालिका अध्यक्ष विशेश्वरप्रसाद यादवले ४३ करोड ९८ लाख ४३ हजार रुपैयाँकाे बजेट प्रस्तुत गर्नुभएकाे हाे । 

बजेटमा आन्तरिक स्रोतमार्फत एक करोड, सङ्घीय सरकारको राजस्व बाँडफाँटमार्फत १० करोड २६ लाख, सङ्घीय सरकारको समानीकरण अनुदानमार्फत १२ करोड ८६ लाख, सङ्घीय सरकारको सशर्त अनुदानमार्फत १५ करोड २८ लाख रुपैयाँ उल्लेख गरिएकाे छ । त्यस्तै प्रदेश सरकारको वितीय समानीकरणमार्फत ८३ लाख ३४ हजार, प्रदेश सरकारको विशेष अनुदानमार्फत ३० लाख, प्रदेश सरकारको समपूरक अनुदानमार्फत २० लाख, सडक बाेर्डमार्फत २५ लाख र गएकाे आर्थिक वर्षको सञ्चित तीन करोड रुपैयाँ गरी बजेट विनियोजन गरिएको गाउँपालिकाको कार्यालयले जनाएको छ ।

स्वास्थ्यलाई विशेष प्राथमिकतामा राखी विनियोजन गरिएको बजेटमा शिक्षा, कृषिलाई पनि विशेष ठाउँ दिएकाे गाउँपालिकाका अध्यक्ष यादवले बताउनुभयाे । 

अन्तिम अपडेट: साउन ३०, २०७९

तपाईको प्रतिक्रिया