सुनसरीकाे इनरुवा नगरपालिकाले भत्काउन थाल्याे अतिक्रमित संरचना

 मंसिर २०, २०७९ मंगलबार १३:३४:१० | उज्यालो सहकर्मी
unn.prixa.net

काठमाण्डाै - पटक पटकको सार्वजनिक सूचना अटेर गरेको भन्दै इनरुवा नगरपालिकाको कार्यालयले आजदेखि अतिक्रमित सडकपेटी खाली गराउन सुरु गरेको छ । 

३५ दिने र अन्तिम पटकको ३ दिने सूचना जारी गर्दासमेत सडकपेटी खाली नगरेको भन्दै नगरका मेयर केदार भण्डारीसहितको नगरपालिकाको टाेली नै डोजर लिएर सडकमा निस्किएको हो ।

मङ्गलवार नगर प्रहरीका साथै सुरक्षा निकायको रोहबरमा मेयरले सडकपेटी खाली गराउने कार्यलाई अघि बढाउनुभएको हो ।

व्यापारी र केही स्थानीयको अवरोधका बीच नगरपालिकाको टोलीले अतिक्रमित सडकपेटी र सडकमा बनाइएका टहरा हटाउन थालेको छ । नगर सफा राख्ने कार्यमा नगरवासीको साथको अपेक्षा गरेको पनि नगरपालिकाले जनाएको छ । सडकपेटी खाली गराउन पुग्नुभएका नगरका मेयर केदार भण्डारीले पटक पटकको सूचना अटेर गरेपछि बाध्य भएर एक्सनमा उत्रिनुपरेको बताउनु भयो ।

उहाँले बारम्बार सूचना जारी गर्दासमेत अटेर गरेपछि संरचना भत्काउनु परेकाे बताउनु भएकाे छ । 

अन्तिम अपडेट: मंसिर २३, २०७९

तपाईको प्रतिक्रिया