मेखलाल बने आईएमई अफरको बम्पर विजेता, १४ हजार पठाउँदा १० लाख रुपैयाँ उपहार

 मंसिर २२, २०७९ बिहिबार १५:४१:३ | उज्यालो सहकर्मी
unn.prixa.net

काठमाण्डाै – आईएमईले दशैँ, तिहार, छठ र नेपाल संवत् जस्ता चाडपर्वका अवसरमा ल्याएको अफरको अन्तिम नतिजा हिजाे बुधवार सार्वजनिक गरेको छ ।

आईएमई साथैमा, मोबाइल हातैमा, १० लाख खातैमा नामक 'थिम' मा आधारित यस अफरको विजेता मेखलाल तामाङ बन्न सफल हुनुभएको छ । मलेसियाबाट आईएमईमार्फत १४ हजार ५० रुपैयाँ पठाउनुभएका तामाङले १० लाख रुपैयाँ उपहारस्वरूप प्राप्त गर्नुभएको छ ।

बुधवार काठमाण्डाैकाे पानीपोखरीमा रहेकाे आईएमईको केन्द्रीय कार्यालयमा आयोजित कार्यक्रमकामा आईएमई लिमिटेडका प्रमुख कार्यकारी अधिकृत खिलेन्द्र पौडेल र आईएमईका ब्रान्ड एम्बेसडर दीपकराज गिरीले संयुक्तरूपमा सफ्टवेयर पद्धतिमा आधारित लक्की ड्र मार्फत नतिजा सार्वजनिक गर्नुभएको थियो ।

कार्यक्रममा बाेल्दै प्रमुख कार्यकारी अधिकृत पौडेलले आईएमईले समय–समयमा ल्याउँदै आएको सेवाग्राहीमुखी अफरले नेपालमा रेमिट्यान्स आप्रवाह बढाउन महत्त्वपूर्ण भूमिका खेलेको बताउनुभयो । आईएमई सबैको माया र विश्वास प्राप्त ब्रान्ड भएको उल्लेख गर्दै उहाँले यो ब्रान्ड सबैसँग जोडियोस्, सबैमा अपनत्व कायम होस् भन्ने सोचेर कम्पनीलाई पब्लिकमा लैजाने प्रक्रिया सुरु भएको जानकारी गराउनुभयो ।

यस्तै आईएमईका ब्रान्ड एम्बेसडर एवम् कलाकार दीपकराज गिरीले नेपालका खासखास अप्ठ्याराहरूमा रेमिट्यान्सले अर्थतन्त्र चलायमान गराएको स्मरण गर्नुभयो । ग्रुपका प्रवक्ता राजु पौडेलले अफरको विषयमा चर्चा गर्दै बैंकिङ प्रणालीमार्फत रेमिट्यान्स आप्रवाह बढाउन यस्ता अफर अत्यन्तै प्रभावकारी रहेको बताउनुभयो ।

यस वर्षका पर्वका अवसरमा आईएमई साथैमा, मोबाइल हातैमा, १० लाख खातैमा नामक 'थिम' मा आधारित स्किम सञ्चालनमा ल्याइएको थियो । याे अफर २०७८ भदाै १६ गतेदेखि कात्तिक १६ गतेसम्म नाै हप्ता अर्थात् ६३ दिनसम्म सञ्चालनमा ल्याइएको थियो ।

अफरअनुसार विदेशबाट आईइएमईमार्फत आएको रकम प्राप्त गर्ने सेवाग्राहीमध्ये दैनिक एक जनालाई सामसुङ माेबाइल, हरेक हप्ता आईएमई पे मोबाइल वालेट खातामा रकम प्राप्त गर्ने दुई जनालाई जनही २५ हजार रुपैयाँ उपहारस्वरूप प्रदान गरिने गरि व्यवस्था मिलाइएको थियो । त्यस्तै अफर अवधिमा एक जना भाग्यशाली विजेतालाई १० लाख रुपैयाँ उपहारस्वरूप प्रदान गर्ने कार्यक्रम बुधवार सम्पन्न भएको छ ।

अन्तिम अपडेट: माघ १९, २०७९

तपाईको प्रतिक्रिया