फ्लिम हलमा विश्व कप नदेखाउन चलचित्र विकास बाेर्डकाे पत्राचार

 मंसिर २३, २०७९ शुक्रबार १६:४५:० | उज्यालो सहकर्मी
unn.prixa.net

फाइल तस्बिर

काठमाण्डाै – चलचित्र विकास बोर्डले फ्लिम हलमा विश्व कपका खेल प्रदर्शन गर्न रोक लगाएको छ । कतिपय फ्लिम हलले नियमित चलचित्र प्रदर्शनको समयमा विश्व कप फुटबल प्रतियोगिताको प्रसारण गर्न लागेको बुझिएको भन्दै बोर्डले हलहरूलाई पत्राचार गरेको हो ।

बोर्डले नियमअनुसार फ्लिममात्र प्रदर्शन गर्न हलहरूलाई निर्देशन दिएको छ । बोर्डका अध्यक्ष भुवन केसीले गरेको पत्राचारमा कतिपय चलचित्र घरहरूले आफ्नो वेबसाइटमार्फत शो समयसमेत खुलाएको देखिएको भन्दै ध्यानाकर्षण भएको उल्लेख गरिएको छ ।

बोर्डले पत्रको बोधार्थ जिल्ला प्रशासन कार्यालय र नेपाल चलचित्र सङ्घलाई पनि गराएको छ ।

अन्तिम अपडेट: मंसिर २६, २०७९

तपाईको प्रतिक्रिया